"Real Madrid" vingeri Marko Asensio mavsumning ikkinchi yarmini ajoyib o‘tkazmoqda.
La Liganing shanba kuni bo‘lib o‘tgan "Selta"ga qarshi o‘yinida 27 yoshli futbolchi ikkita golda ishtirok etdi. Opta xabariga ko‘ra, aynan Asensio Ispaniya chempionatida joriy yil boshidan buyon eng sermahsul o‘yinchilar reytingida peshqadam bo‘lib kelmoqda - u o‘nta golda ishtirok etgan. Yetti bor raqiblar darvozasini ishg‘ol qilgan va uch marta golli uzatma bergan.
Umuman olganda, Marko Asensio barcha musobaqalarda Karlo Anchelotti jamoasi uchun joriy mavsumdagi 41 uchrashuvda 11 ta gol va 7 ta golli uzatmaga ega.
