Madridning “Real” klubi “Chelsi” bilan Kay Xavers borasida muzokaralarni boshladi. 90min o‘z sahifalarida bu haqda ma’lumot berdi. Madrid klubi londonliklar bilan 23 yoshli germaniyalikni keyingi transfer oynasida transfer qilish imkoniyatini muhokama qilmoqda.
Qayd etilishicha, Madridning “Real” klubi futbolchilik faoliyatining yakuniga qadam qo‘yayotgan Karim Benzemaning vorisi sifatida Xaversni ko‘rib chiqmoqda.
Kay juda ko‘p qirrali futbolchi. U nafaqat hujumning eng yuqori nuqtasida, balki orqaroqda va o‘ng qanot hujumchisi sifatida ham o‘ynay oladi. Transfermarkt portali mutaxassislari futbolchini 60 million yevroga baholamoqda.
Qo‘shimcha qilamizki, Xavers "Chelsi"da 2020 yilning sentyabridan beri o‘ynamoqda.













