Мадриднинг “Реал” клуби “Челси” билан Кай Хаверц борасида музокараларни бошлади. 90min ўз саҳифаларида бу ҳақда маълумот берди. Мадрид клуби лондонликлар билан 23 ёшли германияликни кейинги трансфер ойнасида трансфер қилиш имкониятини муҳокама қилмоқда.
Қайд этилишича, Мадриднинг “Реал” клуби футболчилик фаолиятининг якунига қадам қўяётган Карим Бенземанинг вориси сифатида Хаверцни кўриб чиқмоқда.
Кай жуда кўп қиррали футболчи. У нафақат ҳужумнинг энг юқори нуқтасида, балки орқароқда ва ўнг қанот ҳужумчиси сифатида ҳам ўйнай олади. Transfermarkt портали мутахассислари футболчини 60 миллион еврога баҳоламоқда.
Қўшимча қиламизки, Хаверц "Челси"да 2020 йилнинг сентябридан бери ўйнамоқда.
