«Bavariya» bosh murabbiyi Tomas Tuxel tayinlanganiga 2 oy bo‘lmasdan iste’foga chiqarilishi mumkin.

Agar jamoa Germaniya chempionligini qo‘lga kiritmasa, mutaxassis mavsum so‘ngida iste’foga chiqariladi. Bu haqda "Goal" nashri xabar tarqatdi.

Jamoaning avvalgi ustozi Yulian Nagelsmann kutilmagan iste’foga chiqarilgach, Tuxel mart oyida «Bavariya» bosh murabbiyiga aylangandi. Uning qo‘l ostida myunxenliklar 7ta o‘yin o‘tkazib, ularning bor-yo‘g‘i 2tasida g‘alaba qozondi. Jamoa Chempionlar ligasi va Germaniya kubogidan chiqib ketdi.

Bundesligada mavsum tugashiga 5 tur qolganida «Bavariya» 59 ochko bilan 2-o‘rinda bormoqda. Klub peshqadam «Borussiya Dortmund»dan 1 ochko ortda qolmoqda.