"Liverpul" "Chelsi" yarim himoyachisi Meyson Maunt uchun kurashda peshqadamlik qilishda davom etmoqda. Football Insider xabariga ko‘ra, "qizillar" "aristokratlar" tarbiyalanuvchisini "Arsenal", "Nyukasl" va "Manchester Yunayted"dan ko‘ra sotib olishga yaqinroq. "Liverpul" rahbarlari ham futbolchini sotib olish bo‘yicha kelishuv muvaffaqiyatli bo‘lishiga ishonishmoqda.

Manbaning qo‘shimcha qilishicha, Maunt yaqinda "Chelsi" bilan shartnoma bo‘yicha yangi muzokaralar olib bordi, ammo ular kelisha olishmadi.

Shuningdek, Mauntning joriy mavsumning qolgan o‘yinlarida maydonga tushishi dargumon. Eslatib o‘tamiz, "Chelsi" faqat Premyer-ligada o‘ynashda davom etmoqda - "ko‘klar" boshqa turnirlardan chiqib ketishdi.