"Ливерпуль" "Челси" ярим ҳимоячиси Мэйсон Маунт учун курашда пешқадамлик қилишда давом этмоқда. Football Insider хабарига кўра, "қизиллар" "аристократлар" тарбияланувчисини "Арсенал", "Ньюкасл" ва "Манчестер Юнайтед"дан кўра сотиб олишга яқинроқ. "Ливерпуль" раҳбарлари ҳам футболчини сотиб олиш бўйича келишув муваффақиятли бўлишига ишонишмоқда.
Манбанинг қўшимча қилишича, Маунт яқинда "Челси" билан шартнома бўйича янги музокаралар олиб борди, аммо улар келиша олишмади.
Шунингдек, Маунтнинг жорий мавсумнинг қолган ўйинларида майдонга тушиши даргумон. Эслатиб ўтамиз, "Челси" фақат Премьер-лигада ўйнашда давом этмоқда - "кўклар" бошқа турнирлардан чиқиб кетишди.
