Jeydon Sancho hozircha «Manchester Yunayted»da umidlarni oqlay olmadi.

2021 yilning yozida klub bu futbolchi uchun 85 million yevro sarfladi, ammo Sancho kutilganidek o‘yin namoyish etmayapti.

Ushbu mavsumda futbolchi hattoki jamoadan chetga chiqib, o‘z formasi ustida yakka tartibda ishlashiga to‘g‘ri keldi.

Sancho «Borussiya Dortmund»ga tezroq qaytishni istamoqda. Manbaning xabariga ko‘ra, 23 yoshli vinger Dortmundga ijara asosida o‘tmoqchi.

Bir vaqtlar Jeydon Sancho «Borussiya» tarkibida 137 ta o‘yin o‘tkazib, 50 ta gol urgan va sheriklariga 64 ta golli uzatma bergan.