Madridning “Real” klubi boshqaruvchisi Karlo Anchelotti Ispaniya chempionatining 32-turidan o‘rin olgan “Almeriya”ga qarshi o‘yindan so‘ng OAVga o‘z fikrlarini bildirib o‘tdi. “Qaymoqranglilar” 4:2 hisobida g‘alabani tantana qilishdi.
“Men shogirdlarim himoyada nimalarga qodirligini juda yaxshi bilaman. Shu bois ikkita uchrashuvda qanday qilib oltita gol o‘tkazib yuborganimizni tushunolmayapman. Bu o‘yinda biz jiddiy ustunlikka ega bo‘lganimizda xotirjamlikka berildik. Konsentrasiya yo‘qoldi. Bu uyg‘otuvchi qo‘ng‘iroq. Keyingi o‘yinlarda bunga yo‘l qo‘yib bo‘lmaydi", - deya italiyalik murabbiyning so‘zlarini keltiradi klub matbuot xizmati.
"Real Madrid" 68 ochko bilan Ispaniya chempionatida ikkinchi o‘rinda bormoqda. Madridliklar peshqadam “Barselona”dan 11 ochko ortda qolmoqda.
