Мадриднинг “Реал” клуби бошқарувчиси Карло Анчелотти Испания чемпионатининг 32-туридан ўрин олган “Альмерия”га қарши ўйиндан сўнг ОАВга ўз фикрларини билдириб ўтди. “Қаймоқранглилар” 4:2 ҳисобида ғалабани тантана қилишди.

“Мен шогирдларим ҳимояда нималарга қодирлигини жуда яхши биламан. Шу боис иккита учрашувда қандай қилиб олтита гол ўтказиб юборганимизни тушунолмаяпман. Бу ўйинда биз жиддий устунликка эга бўлганимизда хотиржамликка берилдик. Концентрация йўқолди. Бу уйғотувчи қўнғироқ. Кейинги ўйинларда бунга йўл қўйиб бўлмайди", - дея италиялик мураббийнинг сўзларини келтиради клуб матбуот хизмати.

"Реал Мадрид" 68 очко билан Испания чемпионатида иккинчи ўринда бормоқда. Мадридликлар пешқадам “Барселона”дан 11 очко ортда қолмоқда.