"Yuventus" vingeri Federiko Kyeza hozirgi holatdan mamnun emas.
Kuzda 25 yoshli futbolchi jiddiy jarohatdan so‘ng safga qaytdi, shu sabab o‘n oyga yaqin o‘yinni o‘tkazib yubordi, ammo u hali ham o‘sha saviyaga chiqa olmayapti. Jurnalist Adriano del Montening so‘zlariga ko‘ra, klub va Kyeza o‘rtasida kelishmovchiliklar bor. Futbolchi Massimiliano Allegri uni asosiy bo‘lmagan poziysiyalarda qo‘llayotganidan norozi, shuningdek, klubning o‘ziga qarshi da’volari bor.
Federiko Kyezaning "Yuventus" bilan shartnomasi 2025 yilgacha mo‘ljallangan. Joriy mavsumda italiyalik futbolchi 25 uchrashuvda 2 ta gol va 4 ta golli uzatmani amalga oshirgan.
