Turinning «Yuventus» klubi A Seriyaning 33-turi doirasidagi o‘yinda «Lechche»ni 2:1 hisobida mag‘lub etdi, biroq bosh murabbiy Massimiliano Allegri unchalik mamnun emas – uning fikricha, shogirdlari ko‘proq gol urishlari mumkin edi.

Uning so‘zlariga ko‘ra, buning uchun yetarlicha vaziyatlar yaratilgan.

«Uchrashuvga kelsak, bundan ham o‘tkirroq bo‘lish mumkin edi, ko‘proq imkoniyatlar yaratildi. Bizda juda ko‘p noto‘g‘ri paslar bo‘ldi, lekin «Lechche», unutmasligimiz kerakki, bu yil turli jamoalar uchun juda ko‘p muammolarni keltirib chiqardi.

Biz himoyada yaxshi ishladik, biroq gol o‘tkazib yubordik, demak, u yerda ham yaxshilanishi kerak bo‘lgan narsalar ko‘p», — dedi Allegri.