Туриннинг «Ювентус» клуби А Сериянинг 33-тури доирасидаги ўйинда «Лечче»ни 2:1 ҳисобида мағлуб этди, бироқ бош мураббий Массимилиано Аллегри унчалик мамнун эмас – унинг фикрича, шогирдлари кўпроқ гол уришлари мумкин эди.

Унинг сўзларига кўра, бунинг учун етарлича вазиятлар яратилган.

«Учрашувга келсак, бундан ҳам ўткирроқ бўлиш мумкин эди, кўпроқ имкониятлар яратилди. Бизда жуда кўп нотўғри паслар бўлди, лекин «Лечче», унутмаслигимиз керакки, бу йил турли жамоалар учун жуда кўп муаммоларни келтириб чиқарди.

Биз ҳимояда яхши ишладик, бироқ гол ўтказиб юбордик, демак, у ерда ҳам яхшиланиши керак бўлган нарсалар кўп», — деди Аллегри.