O‘tmishning yana bir taniqli futbolchisi Ispaniyaning "Qirol ligasi"da o‘ynaydi.
Fransiyalik sobiq hujumchi Jibril Sisse "Los Tronkos" jamoasiga o‘tdi.
41 yoshli futbolchi turnirdagi debyutini 14 may kuni ikkinchi mavsumning 2-turida o‘tkazadi.
Uning "Qirol ligasi"dagi ishtiroki bitta o‘yin bilan cheklanib qolmasligi kutilmoqda.
Sisse "Liverpul", "Marsel", "Lasio", "Kuban" va boshqa klublarda o‘ynagani bilan tanilgan.
2005 yilda u "mersisaydliklar" bilan Chempionlar ligasi va UYEFA Superkubogini qo‘lga kiritdi.
Fransiya terma jamoasi safida hujumchi 41 o‘yin o‘tkazib, 9 ta gol urgan. 2003 yilda Konfederasiyalar kubogini qo‘lga kiritdi.
"Qirol liga"sining birinchi mavsumida Serxio Aguero, Iker Kasilyas, Ronaldinyo, Joan Kapdevila va boshqa futbol yulduzlari maydonga tushishdi.
