Ўтмишнинг яна бир таниқли футболчиси Испаниянинг "Қирол лигаси"да ўйнайди.

Франциялик собиқ ҳужумчи Жибрил Сиссе "Лос Тронкос" жамоасига ўтди.

41 ёшли футболчи турнирдаги дебютини 14 май куни иккинчи мавсумнинг 2-турида ўтказади.

Унинг "Қирол лигаси"даги иштироки битта ўйин билан чекланиб қолмаслиги кутилмоқда.

Сиссе "Ливерпуль", "Марсель", "Лацио", "Кубан" ва бошқа клубларда ўйнагани билан танилган.

2005 йилда у "мерсисайдликлар" билан Чемпионлар лигаси ва УЕФА Суперкубогини қўлга киритди.

Франция терма жамоаси сафида ҳужумчи 41 ўйин ўтказиб, 9 та гол урган. 2003 йилда Конфедерациялар кубогини қўлга киритди.

"Қирол лига"сининг биринчи мавсумида Серхио Агуэро, Икер Касильяс, Роналдиньо, Жоан Капдевила ва бошқа футбол юлдузлари майдонга тушишди.