"Tottenxem" "Bavariya" sobiq bosh murabbiyi Yulian Nagelsmann bilan muzokaralarni davom ettirmoqda, deb xabar beradi jurnalist Florian Plettenberg.
Manbaga ko‘ra, so‘nggi kunlarda tomonlar o‘rtasidagi muzokaralarning navbatdagi bosqichi bo‘lib o‘tgan. Nagelsmann bu lavozimga qiziqmoqda, chunki u "Tottenxem"ni katta klub sifatida ko‘radi, ammo yakuniy qaror qabul qilishdan oldin ko‘proq kafolatlar olishni xohlaydi.
"Tottenxem" mart oyi oxirida Antonio Konteni iste’foga chiqarganini e’lon qildi. Shundan so‘ng jamoani vaqtincha italiyalik sobiq yordamchi Kristian Stellini boshqargan bo‘lsa-da, bir oy o‘tib u klubni tark etdi. Rayan Meyson hozirda "shporlar" bosh murabbiyi.
34 turdan keyin londonliklar APL turnir jadvalida 54 ochko bilan 7-o‘rinda bormoqda.
