"Тоттенхэм" "Бавария" собиқ бош мураббийи Юлиан Нагельсманн билан музокараларни давом эттирмоқда, деб хабар беради журналист Флориан Плеттенберг.
Манбага кўра, сўнгги кунларда томонлар ўртасидаги музокараларнинг навбатдаги босқичи бўлиб ўтган. Нагельсманн бу лавозимга қизиқмоқда, чунки у "Тоттенхэм"ни катта клуб сифатида кўради, аммо якуний қарор қабул қилишдан олдин кўпроқ кафолатлар олишни хоҳлайди.
"Тоттенхэм" март ойи охирида Антонио Контени истеъфога чиқарганини эълон қилди. Шундан сўнг жамоани вақтинча италиялик собиқ ёрдамчи Кристиан Стеллини бошқарган бўлса-да, бир ой ўтиб у клубни тарк этди. Райан Мэйсон ҳозирда "шпорлар" бош мураббийи.
34 турдан кейин лондонликлар АПЛ турнир жадвалида 54 очко билан 7-ўринда бормоқда.
