“Milan” yetakchisi Rafael Leau Chempionlar ligasi yarim finalida “Inter”ga qarshi o‘yin oldidan jarohat oldi.
23 yoshli portugaliyalik futbolchi A Seriyaning 34-turidan o‘rin olgan "Lasio"ga qarshi o‘yin boshida (2:0) mushaklaridan jarohat oldi.
Rafael chap sonining orqa qismini shikastlab oldi. 11-daqiqada Leau maydonni tark etdi, uning o‘rniga Aleksis Salemekers o‘yinga kirdi.
Kelasi hafta, 10 may kuni “Milan” Chempionlar ligasining birinchi yarim finalida “Inter”ga qarshi o‘ynaydi. Javob o‘yini 16-kuni bo‘lib o‘tadi.
Joriy mavsumda Leau A Seriyada 31 ta o‘yinda maydonga tushib, 12 ta gol urdi va 7 ta golli uzatmani amalga oshirdi.
