APLning 35-turida “Tottenxem” o‘z maydonida “Kristal Pelas”ni mag‘lub etdi. Derbidagi yagona golni Xarri Keyn kiritdi. Hujumchi Pedro Porroning uzatmasidan keyin gol urdi. Bu gol hujumchi uchun Premyer-ligadagi joriy mavsumdagi 26-gol va boshi bilan urgan o‘ninchi gol bo‘ldi.
Shunday qilib, Xarri yana bir rekord o‘rnatdi. Liga tarixida hech kim bir mavsumda boshi bilan o‘nta gol urishga muvaffaq bo‘lmagan. Sobiq rekordchi Dunkan Fergyuson edi, u 1997/1998 yilgi mavsumda shu tarzda to‘qqiz marta to‘p kiritgan.
Bundan tashqari, Keyn yana bir yutug‘i bilan ajralib turdi: u Premyer-liga tarixidagi gollar soni bo‘yicha ikkinchi o‘ringa chiqdi - 209 gol. "Tottenxem" hujumchisi APLda 208 ta gol urgan UYEyn Runidan o‘zib ketdi. Eng yaxshi to‘purar Alan Shirer bo‘lib qolmoqda 260 gol.
Keyn 2023 yilda bir nechta rekordlarni o‘rnatishga ulgurdi. Fevral oyida hujumchi londonliklar safidagi 267-golini urib, “Tottenxem” tarixidagi eng yaxshi to‘purarga aylandi (hozir bu gollar soni 276 taga yetdi). Avvalgi rekord 1961 yildan 1970 yilgacha klubda o‘ynagan Jimmi Grivzga tegishli edi.
2023 yilning mart oyida Keyn Angliya terma jamoasi tarixidagi eng yaxshi to‘purarga ham aylandi. Hujumchi italiyaliklarga qarshi o‘yinda terma jamoa safidagi 54-golini urdi (bundan oldin Runi eng ko‘p gol urgan edi). Hozir Keyn Angliya terma jamoasi safida 55 ta golga ega.
Hujumchining "Tottenxem" bilan shartnomasi 2024 yilning yozida yakuniga yetadi. Ingliz OAVlari klub kelishuvni uzaytirishga harakat qilayotganini xabar qilishdi. Agar bu amalga oshmasa, londonliklar sardorini sotishga majbur bo‘ladi. Da’vogarlar orasida "Manchester Yunayted" va "Bavariya" ham bor.
