Lionel Messining yangi klubi «Al-Hilol» bo‘lishi kerak - bu haqda birdaniga bir nechta manbalar aytmoqda.
El Chiringuito xabariga ko‘ra, «Al-Hilol»ga yana bir top futbolchi o‘tadi. Gap yarim himoyachi Serxio Buskets haqida ketmoqda, uning «Barselona» bilan amaldagi shartnomasi iyun oyining so‘nggi kunida tugaydi. Manbaga ko‘ra, 34 yoshli ispaniyalik «Al-Hilol» bilan ikki yillik shartnoma imzolaydi.
Qayd etilishicha, himoyachi Jordi Alba ham «Barselona» bilan shartnomani bekor qilishga rozi bo‘lsa, «Al-Hilol»ga o‘tishi mumkin.
