Madridning «Real» klubi «PSJ» hujumchisi Kilian Mbappening transferi borasidagi muzokaralarda faol ishtirok etmaydi.
Todofichajes jurnalistlarining yozishicha, «qirollik» klubi 24 yoshli fransuzdan ilk qadamlarni kutmoqda. «Real Madrid» o‘tgan yili transfer buzilganidan keyin futbolchiga ishonmayapti.
«Real Madrid» rahbariyati Mbappening o‘zi tashabbus ko‘rsatishi va omma oldida «qaymoqranglilar»ga o‘tish istagini bildirishini istamoqda.
Kilian Parij klubida 2018 yildan beri o‘ynab kelmoqda. Hujumchining shartnomasi 2025 yilning yoziga qadar mo‘ljallangan bo‘lib, transfer narxi 180 million yevroga baholanmoqda.
