Мадриднинг «Реал» клуби «ПСЖ» ҳужумчиси Килиан Мбаппенинг трансфери борасидаги музокараларда фаол иштирок этмайди.
Todofichajes журналистларининг ёзишича, «қироллик» клуби 24 ёшли француздан илк қадамларни кутмоқда. «Реал Мадрид» ўтган йили трансфер бузилганидан кейин футболчига ишонмаяпти.
«Реал Мадрид» раҳбарияти Мбаппенинг ўзи ташаббус кўрсатиши ва омма олдида «қаймоқранглилар»га ўтиш истагини билдиришини истамоқда.
Килиан Париж клубида 2018 йилдан бери ўйнаб келмоқда. Ҳужумчининг шартномаси 2025 йилнинг ёзига қадар мўлжалланган бўлиб, трансфер нархи 180 миллион еврога баҳоланмоқда.
