"Everton" hujumchisi Duayt Makneyl APLning 35-turi doirasidagi "Brayton" ustidan qozonilgan g‘alaba (5:1) haqida fikr bildirdi. Ushbu uchrashuvda hujumchi dubl qayd etdi.
"Hammasi shunchaki ajoyib", - deya futbolchining so‘zlarini keltiradi BBC. “Biz yaxshi boshladik, jamoaviy rejamiz ishladi. Hammamiz maydonda zo‘r o‘ynadik va haqli ravishda uch ochkoni qo‘lga kiritdik. Bu haqiqiy jamoaviy mehnat samarasi”.
"Everton" 32 ochko bilan APL turnir jadvalida 16-o‘rinni egallab turibdi. "Brayton" 55 ochko bilan 7-o‘rinda bormoqda.
