«Bornmut» yarim himoyachisi Jefferson Lerma jamoasini tark etmoqchi.

Football Insider xabariga ko‘ra, futbolchi shartnomani uzaytirish bo‘yicha jamoaning so‘nggi bir qancha takliflarini rad etgan.

Lerma o‘z klubining asosiy futbolchisi bo‘lib, joriy mavsumda u Angliya Premyer-ligasining 34 uchrashuvida maydonga tushib, besh bor raqiblar darvozasini ishg‘ol qildi. Transfermarkt portali futbolchini 15 million yevroga baholamoqda.

Uning «Bornmut» bilan mehnat shartnomasi joriy mavsum oxirida yakuniga yetadi. U o‘z klubida besh yildan beri to‘p tepmoqda, kolumbiyalik futbolchi 2018 yilning yozida Ispaniyaning «Levante» jamoasidan Angliya janubidagi klubga o‘tgan edi.

Transfer summasi 30 million yevroni tashkil etgan.