«Борнмут» ярим ҳимоячиси Жефферсон Лерма жамоасини тарк этмоқчи.

Football Insider хабарига кўра, футболчи шартномани узайтириш бўйича жамоанинг сўнгги бир қанча таклифларини рад этган.

Лерма ўз клубининг асосий футболчиси бўлиб, жорий мавсумда у Англия Премьер-лигасининг 34 учрашувида майдонга тушиб, беш бор рақиблар дарвозасини ишғол қилди. Transfermarkt портали футболчини 15 миллион еврога баҳоламоқда.

Унинг «Борнмут» билан меҳнат шартномаси жорий мавсум охирида якунига етади. У ўз клубида беш йилдан бери тўп тепмоқда, колумбиялик футболчи 2018 йилнинг ёзида Испаниянинг «Леванте» жамоасидан Англия жанубидаги клубга ўтган эди.

Трансфер суммаси 30 миллион еврони ташкил этган.