«Manchester Siti» bosh murabbiyi Pep Gvardiola Erling Xolandning Antonio Ryudiger bilan qarama-qarshiligi haqida o‘z fikrlarini bildirib o‘tdi.
«Real Madrid» markaziy himoyachisi «Santyago Bernabeu»da bo‘lib o‘tgan Chempionlar ligasi yarim finalining birinchi o‘yinida (1:1) APL rekordchisini ushlab qolishga muvaffaq bo‘ldi.
17 may kuni bo‘lib o‘tadigan javob uchrashuvi oldidan Gvardiola duel haqidagi savolga shunday javob berdi:
«Ryudigerni tabriklayman. Erling endigina 22 yoshda va Chempionlar ligasining ushbu bosqichida ilk bor o‘ynamoqda.
Ko‘rinib turibdiki, uning oldida qiyin vazifa turardi - unga yuqori darajadagi raqiblar qarshilik qilishdi.
O‘ylaymanki, agar g‘oyalarimizni yaxshiroq amalga oshirsak, javob o‘yinida unga biroz osonroq bo‘ladi», - dedi Pep.
