Serxio Buskets "Barselona" bilan o‘zining 32-kubogini qo‘lga kiritdi.

"Barselona" 34-turda "Espanyol"ni mag‘lub etib (4:2) muddatidan avval La Liga chempionligini qo‘lga kiritdi.

Serxio Buskets "Barselona" tarkibida to‘qqizinchi marta Ispaniya chempioniga aylandi. 34 yoshli yarim himoyachi Kataloniya klubi bilan o‘zining 32-kubogini qo‘lga kiritdi - u 7 marta Ispaniya kubogi va Superkubogini qo‘lga kiritdi, shuningdek, uch marta Chempionlar ligasi, UYEFA Superkubogi va klublar o‘rtasidagi jahon chempionatida g‘olib chiqdi.

Buskets "Barselona" bilan qo‘lga kiritilgan sovrinlar soni bo‘yicha Andres Inyestaga tenglashib, 2-o‘ringa chiqib oldi. Faqat Lionel Messida ko‘proq sovrin bor - 35 ta.

Oldinroq Buskets mavsum yakunida "Barselona"ni tark etishini ma’lum qilgandi.