Серхио Бускетс "Барселона" билан ўзининг 32-кубогини қўлга киритди.
"Барселона" 34-турда "Эспаньол"ни мағлуб этиб (4:2) муддатидан аввал Ла Лига чемпионлигини қўлга киритди.
Серхио Бускетс "Барселона" таркибида тўққизинчи марта Испания чемпионига айланди. 34 ёшли ярим ҳимоячи Каталония клуби билан ўзининг 32-кубогини қўлга киритди - у 7 марта Испания кубоги ва Суперкубогини қўлга киритди, шунингдек, уч марта Чемпионлар лигаси, УЕФА Суперкубоги ва клублар ўртасидаги жаҳон чемпионатида ғолиб чиқди.
Бускетс "Барселона" билан қўлга киритилган совринлар сони бўйича Андрес Иньестага тенглашиб, 2-ўринга чиқиб олди. Фақат Лионель Мессида кўпроқ соврин бор - 35 та.
Олдинроқ Бускетс мавсум якунида "Барселона"ни тарк этишини маълум қилганди.
