"Milan"da Chempionlar ligasini o‘tkazib yuborgan taqdirda kadrlar o‘zgarishi mumkin.

La Gazzetta dello Sport nashrining yozishicha, keyingi 4-5 uchrashuv Stefano Pioli va Paolo Maldinining "Milan"dagi kelajagi uchun hal qiluvchi bo‘lishi mumkin. Agar klub Chempionlar ligasining yarim finalida (birinchi o‘yin – 0:2) "Inter"dan mag‘lub bo‘lsa va mavsum yakuniga ko‘ra A Seriyada kuchli to‘rttalikka kira olmasa, ular iste’foga chiqarilishi mumkin.

2022 yil iyun oyi oxirida Maldini va Pioli bilan shartnomalar uzaytirilib, ularga jamoa qurilishi ishonib topshirildi. Biroq "Milan"ga egalik qiluvchi RedBird sarmoyaviy kompaniyasi o‘tgan yozda jamoaga kelib qo‘shilgan futbolchilarning hech biri muvaffaqiyatga erisha olmaganidan afsusda.

Milan xo‘jayinlari Pioli va Maldini haqida shubhalanishmoqda. Ular, ayniqsa, A Seriyaning 35-turi doirasidagi o‘yinda "Spesiya"ga (0:2) mag‘lub bo‘lganidan so‘ng shubha kuchaydi. Ularda jamoa orqaga qadam tashlaganini his qilishdi va bu RedBird kompaniyasining klubga sarmoya kiritgan pullarini yo‘qotishiga olib keldi.

"Milan" so‘nggi 5 uchrashuvda 1 ta g‘alabaga erishdi. A Seriyada jamoa 4-o‘rindagi “Lasio”dan 4 ochko ortda qolgan holda 5-o‘rinda bormoqda. “Rossonerlar” navbatdagi o‘yinini ertaga, 16 may kuni Chempionlar ligasi 1/2 finalida “Inter”ga qarshi o‘tkazadi.