Shveysariyalik yarim himoyachi Denis Zakariya Londonning “Chelsi” klubidagi ijarasini yakunlab, “Yuventus”ga qaytadi. Insayder Nikolo Skiraning yozishicha, “aristokratlar” 26 yoshli futbolchini sotib olish variantidan foydalanmaslikka qaror qilishgan.
Shartnomada 28 million yevro miqdoridagi sotib olish bandi bor. London klubi Zakariya uchun bunday pul to‘lashga tayyor emas. Shu tariqa, Denis joriy mavsum yakunida Turinga qaytadi.
"Chelsis shveysariyalik futbolchini o‘tgan yilning sentyabr oyida ijaraga olgandi. Zakariya joriy mavsum Angliya Premyer-ligasida 7 ta o‘yinda maydonga tushdi.
