"Barselona" prezidenti Joan Laporta bosh murabbiy Xavi bilan shartnomani uzaytirish haqida gapirdi.
“Biz ushbu chempionat sovrinlarning yangi uzoq davrining boshlanishi bo‘lishini istaymiz. O‘yinchilar, Xavi, xodimlar, klub xodimlari, boshqaruv kengashi a’zolari, biz hammamiz yanada raqobatbardosh jamoa yaratish uchun birgalikda ishlashda davom etamiz.
Xavi bilan shartnomani uzaytirishda hech qanday muammo bo‘lmaydi. U klubning odami. U biz qanday sharoitda ishlayotganimizni juda yaxshi tushunadi va klub tomonidan e’tirofga loyiq. Bizda tejamkorlik rejasi bor, lekin men xotirjamman, chunki Xavi buni birinchi bo‘lib qabul qilgan. U "Barselona"ga murabbiy bo‘lishni xohlayotgani ko‘rinib turardi. Ehtimol, men xohlaganimdan ham ko‘proq. Uning Gvardiola davri bilan o‘xshash jihatlari juda ko‘p", - deya Laporta so‘zlarini keltiradi AS.
