"Barselona" "Manchester Siti" yarim himoyachisi Ilkay Gyundogandan yozda tekinga amalga oshirilishi mumkin bo‘lgan transferga og‘zaki rozilik oldi.
Sport nashri xabariga ko‘ra, nemis futbolchisi "ko‘k-anorranglilar" rahbariyatiga o‘z so‘zini bergan, biroq mavsum yakuniga qadar hech qanday rasmiy e’lon bo‘lishi kutilmayapti.
Manbaning qo‘shimcha qilishicha, "Manchester Siti" hali ham Gyundoganni yangi shartnoma imzolashga ko‘ndirish orqali vaziyatni o‘zgartirishga harakat qilishi mumkin. Shunga qaramay, “Barselona” futbolchining kelajagi haqida qaror qabul qilib bo‘lganiga va keyingi mavsumda “Kamp Nou”da o‘ynashiga ishonch bildirmoqda.
Ilkay Premyer-liganing joriy mavsumida 8 gol va 4 golga assistentlik qilgan.
