"Барселона" "Манчестер Сити" ярим ҳимоячиси Илкай Гюндогандан ёзда текинга амалга оширилиши мумкин бўлган трансферга оғзаки розилик олди.
Sport нашри хабарига кўра, немис футболчиси "кўк-анорранглилар" раҳбариятига ўз сўзини берган, бироқ мавсум якунига қадар ҳеч қандай расмий эълон бўлиши кутилмаяпти.
Манбанинг қўшимча қилишича, "Манчестер Сити" ҳали ҳам Гюндоганни янги шартнома имзолашга кўндириш орқали вазиятни ўзгартиришга ҳаракат қилиши мумкин. Шунга қарамай, “Барселона” футболчининг келажаги ҳақида қарор қабул қилиб бўлганига ва кейинги мавсумда “Камп Ноу”да ўйнашига ишонч билдирмоқда.
Илкай Премьер-лиганинг жорий мавсумида 8 гол ва 4 голга ассистентлик қилган.
