"Barselona" himoyachisi Jordi Alba yozgi transferlar vaqtida jamoani tark etishi mumkin, deb xabar beradi Mundo Deportivo.
Nashrning yozishicha, unga “Atletiko” qiziqish bildirmoqda. Xabarlarga ko‘ra, futbolchi "matraschilar" vingeri Yannik Karrasko bilan almashishi mumkin.
34 yoshli ispaniyalik futbolchi joriy mavsumda “Barselona” safida 28 ta o‘yinda maydonga tushib, 2 ta gol urdi va 6 ta golli uzatmani amalga oshirdi.
29 yoshli Karrasko "Atletiko Madrid" safida 41 ta o‘yinda maydonga tushib, 8 ta gol urdi va 5 ta golga assistentlik qildi.
