Xavyer Tebas Vinisius Juniorning da’volariga javob berdi.

Eslatib o‘tamiz, "Real Madrid" vingeri Ispaniya chempionatining 35-turida "Valensiya"ga qarshi o‘yinda irqchilikka asoslangan haqoratlarga uchragan edi. O‘yindan so‘ng braziliyalik futbolchi La Ligani tanqid qildi. Keyinroq La Liga prezidenti Xavyer Tebas futbolchiga shunday dedi: "Biz sizga La Liga irqchilik holatlarida nima qilishi mumkinligini tushuntirishga harakat qildik, ammo kelishilgan sanalarning birortasiga kelmadingiz".

Vinisius Tebasning so‘zlariga shunday munosabat bildirdi: "La Liga prezidenti irqchilarni tanqid qilish o‘rniga ijtimoiy tarmoqlarda menga hujum qilmoqda. Men sizning do‘stingiz emasman, xeshteglar meni harakatga keltirmaydi."

"1. Ispaniya ham, La Liga ham irqchi emas, buni aytish nohaqlik.

2. Biz La Ligada irqchilikni barcha jiddiylik bilan qoralaymiz va ta’qib qilamiz.

3. Joriy mavsumda 9 marta irqchi haqoratlar qayd etilgan (ulardan 8 tasi Vinisiusga qarshi bo‘lgan). Biz har doim aqldan ozgan odamlarni aniqlaymiz va sanksiya beruvchi organlarga shikoyat qilamiz. Ular qanchalik kam bo‘lmasin, biz doimo shafqatsizmiz.

4. Biz har kuni 42 klubda 200 dan ortiq qora tanli futbolchilarni barcha muxlislar hurmat qiladigan va sevadigan, irqchilik ko‘rinishlari alohida hollarda sodir bo‘ladigan, birinchi navbatda, xalqlar o‘rtasidagi ittifoq timsoli bo‘lgan musobaqa imidjiga dog‘ tushishiga yo‘l qo‘ya olmaymiz. Biz buni yo‘q qilamiz" - deb post qoldirdi Tebas.