Хавьер Тебас Винисиус Жуниорнинг даъволарига жавоб берди.

Эслатиб ўтамиз, "Реал Мадрид" вингери Испания чемпионатининг 35-турида "Валенсия"га қарши ўйинда ирқчиликка асосланган ҳақоратларга учраган эди. Ўйиндан сўнг бразилиялик футболчи Ла Лигани танқид қилди. Кейинроқ Ла Лига президенти Хавьер Тебас футболчига шундай деди: "Биз сизга Ла Лига ирқчилик ҳолатларида нима қилиши мумкинлигини тушунтиришга ҳаракат қилдик, аммо келишилган саналарнинг бирортасига келмадингиз".

Винисиус Тебаснинг сўзларига шундай муносабат билдирди: "Ла Лига президенти ирқчиларни танқид қилиш ўрнига ижтимоий тармоқларда менга ҳужум қилмоқда. Мен сизнинг дўстингиз эмасман, хештеглар мени ҳаракатга келтирмайди."

"1. Испания ҳам, Ла Лига ҳам ирқчи эмас, буни айтиш ноҳақлик.

2. Биз Ла Лигада ирқчиликни барча жиддийлик билан қоралаймиз ва таъқиб қиламиз.

3. Жорий мавсумда 9 марта ирқчи ҳақоратлар қайд этилган (улардан 8 таси Винисиусга қарши бўлган). Биз ҳар доим ақлдан озган одамларни аниқлаймиз ва санкция берувчи органларга шикоят қиламиз. Улар қанчалик кам бўлмасин, биз доимо шафқатсизмиз.

4. Биз ҳар куни 42 клубда 200 дан ортиқ қора танли футболчиларни барча мухлислар ҳурмат қиладиган ва севадиган, ирқчилик кўринишлари алоҳида ҳолларда содир бўладиган, биринчи навбатда, халқлар ўртасидаги иттифоқ тимсоли бўлган мусобақа имиджига доғ тушишига йўл қўя олмаймиз. Биз буни йўқ қиламиз" - деб пост қолдирди Тебас.