“Inter” himoyachisi Alessandro Bastoni jamoa bilan shartnoma uzaytirilishi mumkinligi haqida gapirdi.

"Inter"da o‘zimni juda yaxshi his qilyapman, men klub bilan bir xil to‘lqindaman. O‘ylaymanki, biz birga davom etamiz, yangi shartnoma yaqin”, - deya Bastonining so‘zlaridan iqtibos keltiradi jurnalist Fabrisio Romano.

Oldinroq 24 yoshli himoyachi 2028 yilgacha mo‘ljallangan yangi shartnoma imzolashi haqida xabar berilgandi. Himoyachining “neradzurrilar” bilan amaldagi shartnomasi kelasi mavsum oxirigacha amal qiladi.

Baston “Inter” safida 2017 yildan buyon to‘p suradi. Joriy mavsumda u milanliklar safida barcha musobaqalarda 43 ta o‘yin o‘tkazib, 6 ta golli uzatmani amalga oshirgan.