"Chelsi"ning yangi bosh murabbiyi Maurisio Pochettino "Tottenxem" boshqaruvchisi lavozimiga nomzod sifatida ko‘rilmadi.
Argentinalik 2014 yildan 2019 yilgacha “shporlar”ni muvaffaqiyatli boshqargan, shundan so‘ng “PSJ”da ishlagan. Bugun ma’lum bo‘ldiki, murabbiy Angliyaga qaytmoqda - yangi mavsumdan boshlab u "Chelsi"ni boshqaradi.
Insayder Fabrisio Romanoning so‘zlariga ko‘ra, matbuotda tarqalgan mish-mishlarga qaramay, "Tottenxem" Pochettinoga da’vo qilmadi - bu yil tomonlar o‘rtasida aloqalar bo‘lmagan. Shu bilan birga, mutaxassisning o‘zi ham klubga qaytish imkoniyatini hech qachon inkor etmagan.
