Madridning “Real” klubi yarim himoyachi Dani Sebalyos bilan shartnomani uzaytirmoqchi, deya xabar beradi Marca.

Nashrning yozishicha, tomonlar yangi shartnoma tuzishga juda yaqin turibdi. "Qaymoqranglilar" taklifi futbolchining talablariga yaqin bo‘lgan.

Sebalyos Madrid klubida 2017 yilning yozidan buyon o‘ynab kelmoqda. Uning amaldagi shartnomasi kelasi oy yakuniga yetadi.

26 yoshli ispaniyalik futbolchi joriy mavsumda “Real” safida 44 ta o‘yinda maydonga tushib, 1 ta gol urdi va 9 ta golli uzatmani amalga oshirdi.