Мадриднинг “Реал” клуби ярим ҳимоячи Дани Себальос билан шартномани узайтирмоқчи, дея хабар беради Marca.

Нашрнинг ёзишича, томонлар янги шартнома тузишга жуда яқин турибди. "Қаймоқранглилар" таклифи футболчининг талабларига яқин бўлган.

Себальос Мадрид клубида 2017 йилнинг ёзидан буён ўйнаб келмоқда. Унинг амалдаги шартномаси келаси ой якунига етади.

26 ёшли испаниялик футболчи жорий мавсумда “Реал” сафида 44 та ўйинда майдонга тушиб, 1 та гол урди ва 9 та голли узатмани амалга оширди.