Madridning “Real” klubi “Espanyol” hujumchisi Xoseluni bir yilga ijaraga oladi. Marca xabariga ko‘ra, "qirollik klubi" faoliyatida avvalroq "qaymoqranglilar" sharafini himoya qilgan ispaniyalik hujumchining xizmatlari uchun bir sent ham to‘lamaydi.

Gap shundaki, Xoseluning shartnomasida shart bor, unga ko‘ra, agar jamoa ikkinchi ligaga tushib ketsa, futbolchi "Espanyol"ni ijaraga bepulga tark etishi mumkin. Eslatib o‘tamiz, yaqinda Kataloniya klubi Segundaga tushib ketgandi.

Xoselu La Liganing ushbu mavsumida 16 gol bilan uchinchi to‘purar bo‘lib turibdi. "Real Madrid" ispaniyalik futbolchini Karim Benzemaga o‘rinbosar sifatida ko‘rmoqda.