Isroil yoshlar terma jamoasi Kolumbiya, Senegal va Yaponiyaga qarshi 3 o‘yinning birortasida birinchi raqamda bo‘lmagan, bo‘lolmagan.

Senegalga qarshi o‘yin-ku, umuman mantiqqa zid. Afrikaliklarning total ustunligidagi o‘yin durang bilan tugagan. Parodaksal fakt shuki, Isroil hech bir o‘yinda to‘pga egalik qilishda raqibdan ortda qolmadi (aslida yoshlar darajasida to‘p nazorati ko‘p chalg‘ituvchi statistika hisoblanadi). Bu raqibimiz O‘zbekiston kabi birinchi raqamda o‘ynaydigan jamoalarga qarshi natija qilishni bilishini anglatadi.

Markazda Rahmonaliyevning yo‘qligini hisobga olsak, nazorat uchun kurashda kuchlar tenglashib qolishi mumkin. Albatta Ravshan Haydarov yechim beradi. Aslida avvallari Umaralini "Rubin" barcha yig‘inlarga ham qo‘yib yubormagani uchun, usiz variant ham bizda ishlagan bo‘lishi kerak shu paytgacha.

Isroilning 4 goli ham to‘rtburchak ichidan, hatto darvozabon hududi oldidan kiritilgan. Individual yaxshi shakllangan futbolchilari bor.

Orif Tolipov.