"Byornli" ayni paytda Premyer-ligadagi o‘yinlar uchun tayyorgarlik ko‘rmoqda. Klub so‘nngi 6 yil ichida ilk bor Chempionshipda harakat qiladi va endi bor e’tiborini yana oliy divizionga qaratishi mumkin. Ularni APLda nimalar kutib turibdi?

Kamroq o‘yinlar, zich taqvimlardan xolilik

Chempionshipda bu jamoa 46 ta o‘yinda ishtirok etdi. Bu APLdagidan 8 taga ko‘p degani. Shunga muvofiq odatdagidan ancha tig‘iz taqvimlar yuzaga keldi. Har qalay endi seshanbada o‘yinlar juda kam bo‘ladi, ayniqsa 48 soat ichida o‘tgan ikkitalik uchrashuvlar. Jamoa shuningdek, o‘tgan yili iyul oyida bahslarga kirishganini hisobga olsak, hozir ancha charchoq holatlari bilinib turibdi. Jahon chempionati uchun olingan bir haftalik tanaffus ham rejalarga ancha o‘zgarish kiritishga sabab bo‘ldi. Yangi mavsumdan esa yuqoridagi holatlar deyarli sodir bo‘lmaydi. Mamlakat kubogi va Liga kuboklari esa o‘tgan mavsumdagi bilan bir xil taqvimni taqdim etadi.

Oshirilgan daromad

APLga qaytish orqali "Byornli" qimmatli TV namoyishidan kelib tushgan katta pullarni qo‘lga kiritadi. Masalan, klub oxirgi marta Premyer-ligada o‘ynagan payti - 2021/22 yilgi mavsumda 123 million funt ishlab olgan. Bu esa undan bitta oldingi mavsumdagidan 8 millionga ko‘p degani. Chunki jamoa 2020/21 yilgi mavsumni yopiq eshiklar ostida o‘tkazgan.

TV ta’siri

O‘tgan mavsumda klubning 17 ta o‘yini bevosita Sky Sports orqali efirga uzatilgan. APLda esa bularning soni oshishi kutilmoqda.

O‘yinchilarni ortiqcha musobaqalarga qo‘yib yuborish

Bu mavsum qizigan paytda Jahon chempionati kabi katta turnir bo‘lmaydi. Lekin kelasi yilning yanvar-fevral oyida Afrika millatlar kubogi bo‘lib o‘tishi rejalashtirilgan. Boshqa klublar singari "Byonrnli" ham bir qancha o‘yinchilarini o‘sha yerga qo‘yib yuborishga majbur.