Yarim himoyachi Luka Modrich "Real" bilan yangi shartnoma imzolaydi, deya xabar beradi italiyalik insayder Fabrisio Romano.

Manbaning xabariga ko‘ra, futbolchi Madrid klubini tark etish niyatida emas. Tez orada yangi shartnoma imzolanadi.

Avvalroq Modrich "Real" rahbariyatini Saudiya Arabistoni klubiga o‘tish istagini bildirgani haqida xabar berilgandi.

Xorvatiyalikning Madrid klubi bilan shartnomasi mavsum oxirida yakuniga yetadi.

37 yoshli yarim himoyachi joriy mavsumda barcha turnirlarda 51 ta o‘yinda maydonga tushib, 6 ta gol va 6 ta golli uzatmani amalga oshirdi.