"Manchester Yunayted" Xarri Maguayrni "Chelsi" yarim himoyachisi Meyson Maunt bilan shartnomaga qo‘shishi mumkin.
"Qizil iblislar" allaqachon Mauntning o‘zi bilan kelishib olishgan, biroq "Chelsi" bilan transfer narxi borasida hali kelishmagan. Jurnalist Charli Uaytning so‘zlariga ko‘ra, kelishuvni osonlashtirish uchun "Manchester Yunayted" Maguayrni "ko‘klar"ga taklif qilishi mumkin. Erik ten Xagning rejalarida markaziy himoyachi yo‘q va klub bu yozda Angliya terma jamoasi futbolchisi bilan xayrlashishga tayyor.
Meyson Maunt Transfermarkt tomonidan 65 million yevroga baholangan, Xarri Maguayr esa 25 million yevroga baholangan.