"Manchester Yunayted" yozgi transfer oynasida tarkibini yaxshilashga intilmoqda. Klub nafaqat Meyson Maunt, balki Xarri Keyn bilan ham bog‘langan. The Telegraph sport bo‘limi xabariga ko‘ra, "qizil iblislar" "Tottenxem"ni Keynni sotishga undaydi, ammo "Old Trafford" rahbarlari bu transferni dargumon deb hisoblaydi.
Xarri Keynning "Tottenxem" bilan amaldagi shartnomasi 2024 yilning iyunigacha amal qiladi. London klubi o‘z yulduzini Premyer-liganing boshqa klublariga sotmoqchi emas, 29 yoshli hujumchining o‘zi esa Alan Shirerning gol urish rekordini yangilash uchun Angliyada qolishni afzal ko‘rishi mumkin.