"Манчестер Юнайтед" ёзги трансфер ойнасида таркибини яхшилашга интилмоқда. Клуб нафақат Мэйсон Маунт, балки Харри Кейн билан ҳам боғланган. The Telegraph спорт бўлими хабарига кўра, "қизил иблислар" "Тоттенхэм"ни Кейнни сотишга ундайди, аммо "Олд Траффорд" раҳбарлари бу трансферни даргумон деб ҳисоблайди.
Харри Кейннинг "Тоттенхэм" билан амалдаги шартномаси 2024 йилнинг июнигача амал қилади. Лондон клуби ўз юлдузини Премьер-лиганинг бошқа клубларига сотмоқчи эмас, 29 ёшли ҳужумчининг ўзи эса Алан Ширернинг гол уриш рекордини янгилаш учун Англияда қолишни афзал кўриши мумкин.