"Manchester Siti" yarim himoyachisi Ilkay Gyundogan Chempionlar ligasi finalida "Inter"ga qarshi o‘yindan oldingi fikrlari bilan o‘rtoqlashdi.

"Bunday finallarda yutqazishdan qo‘rqishdan ko‘ra ko‘proq g‘alaba qozonishni istash har doim muhim. Siz undan to‘liq zavq olishga harakat qilishingiz va u yerda o‘ynash sharafiga ega bo‘lish uchun o‘zingizga nimalarni boshdan kechirganingizni doimo eslatib turishingiz kerak", - dedi Gyundogan Sport1 bilan suhbatda.

Eslatib o‘tamiz, "Manchester Siti" o‘z tarixida hech qachon Chempionlar ligasida g‘alaba qozonmagan. "Inter" 2010 yilda ushbu turnirda g‘olib chiqqan.

Bugun, 10 iyun kuni Chempionlar ligasi finali bo‘lib o‘tadi.