"Arsenal" yarim himoyachisi Reyss Nelson tez orada londonliklar bilan 2027 yilgacha mo‘ljallangan yangi shartnoma imzolaydi. Jurnalist Santi Aunaning yozishicha, ingliz futbolchisi shartnoma imzolash uchun bonus sifatida taxminan 6 million yevro oladi.
Manba, shuningdek, Nelson yangi shartnomaga ko‘ra haftasiga taxminan 117 ming yevro ishlab olishini aytdi. Ingliz futbolchisi rahbariyat tomonidan taqdim etilgan loyihaga ishonch hosil qildi. Ortda qolgan mavsumda asosiy tarkib futbolchisi bo‘lmaganiga qaramay, Reyss qolib, o‘z o‘rni uchun kurashishga tayyor.
Nelson xizmatlariga avvalroq Italiya A Seriyasi klublari qiziqish bildirishgan.
