"Арсенал" ярим ҳимоячиси Рейсс Нельсон тез орада лондонликлар билан 2027 йилгача мўлжалланган янги шартнома имзолайди. Журналист Санти Аунанинг ёзишича, инглиз футболчиси шартнома имзолаш учун бонус сифатида тахминан 6 миллион евро олади.
Манба, шунингдек, Нельсон янги шартномага кўра ҳафтасига тахминан 117 минг евро ишлаб олишини айтди. Инглиз футболчиси раҳбарият томонидан тақдим этилган лойиҳага ишонч ҳосил қилди. Ортда қолган мавсумда асосий таркиб футболчиси бўлмаганига қарамай, Рейсс қолиб, ўз ўрни учун курашишга тайёр.
Нельсон хизматларига аввалроқ Италия А Серияси клублари қизиқиш билдиришган.