Germaniyaning “Volfsburg” jamoasida to‘p tepayotgan yarim himoyachi Feliks Nmecha Angliya Premyer-ligasining top-klubiga o‘tishi mumkin. Sport1 jurnalistlari xabariga ko‘ra, futbolchini "Manchester Yunayted" o‘z safiga qo‘shib olmoqchi.

“Qizil iblislar” vakillari allaqachon futbolchining otasi bilan ehtimoliy transfer borasida muzokara olib borishgan. “Yunayted”dan tashqari “Borussiya Dortmund” ham Nmechega qiziqish bildirmoqda, ular uni Jud Bellingemning o‘rniga sotib olmoqchi.

Germaniya chempionatining so‘nggi mavsumida Feliks 30 ta o‘yinda qatnashib, 3 ta gol va 5 ta golli uzatmaga mualliflik qilgan.